Hawid sa sidsid
Sa saya sa Ginoo.
Kinsa ba ang
Naghikap kanako?
Tabon sa panyo
Ni Veronica
Milakra ang
Nawong sa milagro
Iyubit lang ang pulong
Ug mamaayo ako
Lapok sa sapa
Ipaghid sa mga
Mata nga dugay
Nang nabuta
Ilabay ang baston
Ug dagan pauli
Sa inyong balay
Ayaw gayod ug
Panugilon
Mao kana ang imong
Balaanon nga tugon
Sulod sa pultahan
Sa Chong Hua
Hikap sa tiil
Sa debulto ni
Birhen Maria
Sinaw ang
Statuwa ug
Humot ang
Bulak sa
Sampaguita
Milabay ang
Laing pinutos
Nga Patay sa
Nagkagugo nga
habol
Manguros ka.
Kadugay ba
Gipaabot nga
Pagpahulay?
No comments:
Post a Comment