ang kanser sa totoy sa akong english teacher

Dugay ra niyang nabati ang bukol sa wa niya nga totoy.

Kapoy. Balewala lang. Morag wala lang. Daghan pa siya ug

Gigastohan nga mga pag-umangkon. Busy lang jud sa World

Literature. Pre-occupied sa Third World Poetry.

Napulog-lima katuig nga gatudlo sa English ug World

Literature.Si Mam sa usa ka private religious school.

Usa ako sa iyang gipalayog sa verb, adverbs, ug adjectives.

Gipaharong kang Tolstoy. Nakig-tagay ni Omar.

Sa mga blithe spirits ni Shelly. Ug kang Lucasta sa dihang

Miasdang na siya sa gubat.Kang Emily, Pablo, Octavio.

Shakespeare.Neruda.Mistral.

Karon, nagdugo, nagnana na ang duha ka totoy sa akong

Grammar teacher. Daghang verbs, adverbs, adjectives.Aduna

Pa gayoy mga prepositions and conjunctions nga nabalaka

Sud sa 25 ka tuig.Natawo ang mga balak. Ug mga sugilanon. Nanubo ang mga dahon sa laurel. Nangisog ang mga paminta.Namaak ang kahalang sa sili sa akong mga ngabil

Mitubo ang mga Pan. Mibukal ang mga tuba.

Pati ang lana sa mga hilo-anan ug mga wakwak.

Mikuyanap ang Magic Touch. Ang mga figments of imagination.

Ang mga streams of consciousness.Mikamang ang walay angay

Nga mokamang sa ilalom sa katre ug panganod.

Dili siya mag-pa-opera.Dili nga dili siya gusto nga mag-pa-opera. Wala siya’y igong kwarta. Dili nga dili makatabang ang

Chemotheraphy. Wala lang jud siya’y pondo. Giluwa na ang

Iyang ATM. Nalubong siya sa utang.

Dugay ra. Nagmahay ang mga subordinate clauses.Dili matonong

Ang mga direct objects. Naunay siya sa mga dreams nga nagdream.

Nagkulismaot ang mga dagway sa infinitives.

Ug ang mga predicates mismo ang nagkotkot sa iyang lubnganan.

Nagpakalooy ang Philippine Literature nga unta dili lang

Usa siya Kuhaon ni Bathala.Time passes swiftly. Ang mga rosas

Nga mibukhad karon, pipila lang ka oras sa kilid sa bintana,

Kadali rang nangalaya. Ang mga buds na nipped.Tight lipped.

Wa tagad ka bloom.Dying.Dayag ang pagka-dying ni Daying.

Lubong niya karon. Ug tulo lang kami nga mitungha.

Usa lang ang miiyak. Ug ang duha, kadyot lang nga mitan-aw

Ug dayon ug biya kay dunay mga importanting mga lakaw sa

Ilang kinabuhi.Walay gahom ang balak sa pagbanhaw kang

Mam. Ang mga prepositions ug conjunctions dili mga karo

Ug ligid mga mohatod kaniya sa menteryo. Nag-inusara lang

Intawon siya gihapon. Bisan pa sa iyang pagpangugat ug pama

Lak usab kaniadto. Dili ang iyang mga pag-umangkon ang

Miiyak. Ugma ablihon ko ang daan nga libro ni Pablo Neruda.

Sulaton ko pag-usab ang pinakasubo nga balak alang kang Mam.