mY secreT ponD

I T O M N G A P O L O S H I R T

Bahala nag ingnon nila nga matuhutuhuon ako

Apan karong adlaw suoton ko ang akong itom nga polo shirt.

Gikawat mo ang akong kasingkasing gahapon

Ania ako dili na kamao kon unsa ang tinood nga gugma

Hunahuna lang ang gadaghan. Kamot ug ikog ko sa atubangan

Ang siging nagmingaw nangitag sakuban morag iring nga sungkaban.

Mora akong iron nga bahag ug ikog. Mora akog iring nga siging

Gamiyawmiyaw sa tungang gabii hangtod sa kaadlawon.

Niining itom kong polo shirt atubangon ko ikaw

Karong gabii inig takdol sa bulan didto sa imong nataran

Huboon ko kini sa imong atubangan huboon ko usab ang imong

Blusa nga itom. Idap-ig ta ang atong mga dughan. Magtakos ang

Atong mga dila morag mga espada sa mga sundalo ni Magellan

Ug manggahat ni Lapu-lapu. Magtigi ta. Kon makatulog ka na

Unua sa kakapoy niining atong paaway sa atong mga unod

Kuhaon ko ug balik ang akong kasingkasing. Ug ihatag ko kini

Kaniya didto sa akong balay nga tinukod sa tiilan sa bungtod

Daplin sa sapa sa akong bag-ong nakaplagan nga kalipay ug himaya.