mY secreT ponD

Ang mga ugat sa langit

Lahi ang akong nakita sa akong
Mga mata, usa ka adlaw niana sa
Dihang mihangad ako sa langit
Nga midag-om. Nakita ko ang iyang
Mga ugat sama sa ugat sa akong
Mga kamot sa akong pakyas nga
Mga palad. Akong gianinaw pag-ayo
Nasayop lang seguro ako tungod
Sa akong kagutom ug kapungot
Sa akong kauhaw ug kahiubos.

Ang mga sanga sa kahoy nga patay
Naalaan ko baya nga mga ugat sa
Langit. Nadismaya ang langit kay
Dako kini mga buhi ug ang iyang mga ugat
Bugnaw ug makahupay sa maghuot
Nga mga dughan. Iya kining gihatag
Kanako kay sayod siya sa akong mga
Kasakit. Ang mga ulan sa kataposang
Bulan sa Octubre. Mihangyo siya nga
Unta tugbangan nako ang iyang kaayo
Sa taghoy, kanta ug sayaw diha
Sa ilalom sa iyang bukad nga sayal.