AYAW KAHADLOK HIGALA NGA MAHIMO KANG BASURA
Dili baya kahadlokan
Ang mga basura sa pilipinas
Hinonoa ginapangita kini
Kay aduna pay daghang
Mopalit niini, gani giilogan
Giawayan, nakig-gubat pa
Gani ang uban aron lang
Makakuha ug mga basura
Nga daghan
Kanang mga bukog sa drumstick
Sa jolibee nga gilabay na
Sus lami pa kana sa birthday party
Sa anak ni Neria sa hilit nga eskinita
Bibo bAya silang nag-inom sa
Kilid sa smokey mountain
Mora ba’g ang basura nga binukid
Humut pa sa sampaguita
Humut sa baho sa kwarta
Busa ayaw kahadlok higala nga
Mahimo kang basura puhon
Andam ug tagana kami nga
Mangita kanimo, mosagop
Makig-ila-ila makighinanop
Makigdulog pa gani sa daplin
Sa kanal sa daplin sa mga suba
Nga napuno ug basura sa mga
Bukid nga nahimong basura
Kay sa pagkatinood lang
Kaming tanang baya diri
Sa pilipinas puros na mga
Basura, lain lain lang ug
Ngalan, lain lain lang ug
Pinuy-anan, tan-awa kami
Tutuki kami, simhota pag-
Ayo, dili ba kami ang klaseng
Basura nga mas humot pa
Sa tae sa iring ug ihi sa
Irong nagpakaaron ingnon
Nga dili buang?
tan-awa ako higalakinsa bay magtoo nga dili ako basura?
No comments:
Post a Comment