nahibaw-an ko nga ikaw nahigugma gayod kaniya
tungod sa dihang mihawa na ako sa imong tugkaran
bisan sa pa kamingaw sa imong nataran
bisan ug dili kusog kaayo ang hangin gikan sa bungtod
misayaw baya ang imong payong
mikitiw ang imong tiil nga morag kasawayon sa sayaw nga kuradang
kay siya moabotay na
nasimhot mo ang kahumot sa iyang anino gikan pa sa ikapito nga
bungtod
bisan pa gani ug anaa pa ako sa pila ka dangaw gawas sa balay sa inyong
labat nga kawayan
sa paghunghung sa iyang ngalan sa balilihan ikaw dayon kalit nga
mikiat.
No comments:
Post a Comment