PAGYUKBO SA KAHITAS-AN SA LUNHAW NGA KAHAYAG
lunhaw nga bulok sa mga dahon ug kahoy ang akong kahitas-an nga yukboan
kahayag sa adlaw nga bulawan ang sagol nga mosanag sa akong dughan
asul ang korona sa akong ulo, asul usab ang akong abito nga suoton
moluhod ako sa kalinaw, sa pagsinabtanay, sa pagkamanggialamon
wala didto ang mga diyos-diyos sa mito sa puthaw sa bronse, sa bato
wala didto ang pagkamatuhutuhoun sa diyos nga gimugna sa ilang larawan
pagyukbo sa kinaiyahan sa kahayag sa akong dughan sa suga sa akong kasingkasing.
dili na ako motoo kanimo ikaw nga nagpahipi sa kangitngit ikaw nga nagpasalig ug himaya.
No comments:
Post a Comment