bulak

Bulak ang ngalan sa sekreto nga uyab

ni Noli kaniadto sa ilang gamay nga baryo.

Bulak ang iyang gihatag kang Bulak.

Bulak ang nangalimyon sa iyang dughan.

Bulak ang babayeng iyang gikahinagbo

Didto sa tanaman sa mga bulak.

Bulak ang mga turong ni Bulak.

Bulak ang tabon sa iyang lawas.

Bulak ang ngalan sa ilang panahon

Bulak usab nga laya ang ilang panagbulag.

Bulak ang ngalan sa babayeng gikasal sa daan nga simbahan.

Bulak ang gikalimtan ni Noli. Bulak ang nanganak sa ospital nga iyang gibiyaan.

Bulak ang ngalan sa anak ni Bulak.

Apan dili na si Noli ang amahan sa gamay nga Bulak.

Bulak ang tigulang nga iyang nakita didto sa kagabhion.

Bulak ang halad sa ilang kapakyasan.

Bulak ang tibook niyang kinabuhi.

Bulak usab ang katapusang testigo sa iyang kamatayon.

Bulak ang bag-ong mitubo sa tiilan sa iyang lubnganan.

Ingon ana ang tinood nga gugma ni Noli, nga sama sa akong gugma

Pakyas usab. Apan dili Bulak ang iyang ngalan. Grasya siya.

Grasya sa Diyos alang kanako.