Naminyo gayod si Gabino kang Amelita
nagdayon ra gayod silang duha human sa
ilang pagkawat-kawat ug kalipay didto sa
kakugnan sa bungtod sa Bandera, sikbit
nga sitio sa among balangay sa Olingan.
Buros sa ilang anak nga si Boboy sa
dihang gikasal sila sa kapilya sa Galas.
Namatay na si Manang Tasya
dili sa katigulangon. Basin sa kaguol sa hinanaling
kamatayon sa iyang bugtong nga anak nga si Jose.
Pinaankan man lang god si Manang Tasya
ug wala gayod mailhi kon kinsay tinood nga
amahan ni Jose. Gihungihong nga ang akong
uyoan nga si Kikoy, nga dakong minyo, mao
kuno ang gapahipi nga sunoy sa maong
himongaan.
Akong laktoron ang estorya.
Usa ka gabii niana, nagkita si Gabino ug
si Anecita sa usa ka haya sa among silingan
nga namatay kay nahiloan kuno sa among
silingan usab nga gidungog bag-o lang nga
nahimong hiloanan.Gipakatay lang kuno
ang hilo sa aso sa sigarilyo.
Si Anecita minyo kang Osting nga usa
ka panday. Tulo ang ilang anak, puros
mga lalaki.
Akong laktoron ang estorya.
Nahimong kabit ni Gabino si Anecita
nga usa ka manikurista pinaagi lang
sa usa ka kihat, samtang nagkape
sila ug namainit sa pan de mongo.
Si Gabino nag-drive na sa habal-habal nga
pasayrohan nga giutang ni Amelita
sa Norkis didto sa Dipolog.
Pila na kagabii nga walay uli-uli
si Gabino sa ilang balay kay diay
didto na nagpundo ug dulog
kang Anecita sa balay nga
ilang gipletihan didto dapit sa
kabotongan, lugar sa mga kapong
sa Igot, lugar nga daling
mabahaan, tapad sa menteryo
municipal.
Usa ka buntag niana giapas
ni Amelita si Gabino ug maayong
pagkasakop niya nga si Gabino
nagpatong pa ni Anecita sud
sa mosquitero bisan gani
ug hayag na. Galami pa
silang duha ug salo sa ilang
kinawatkawat nga kalipay.
Laktoron ko na usab ang estorya.
Unsa ba'y gihimo ni Amelita aron
mopauli ug balik si Gabino sa ilang
balay?
Gikuhit kuno ang lubot ni Gabino
nga gapatong sa bilahan ni Anecita
samtang nadungog niini ang tinga
sa baka sa tunga sa iyang kaulag
ug si Amelita miingon:
"Gabino, ug mahuman ka diha
pauli na intawon sa atong balay
kay gimingaw na ang atong mga
anak nimo." Gibungat kini dili
pinaagi ug tyabaw sa kapungot.
Gihangyo lang ang iyang bana.
Nagpaubos ang asawa kay sayod
siya nga si Gabino mao ang
tawo nga mosilot ug kamatayon
kon dili mauli ang iyang sapatos.
Ug si Osting, kadtong panday
nga bana ni Anecita, namatay
baya sa sakit nga TB. Ug si
Anecita sa paglabay sa panahon
gibiyaan ni Gabino apan gibinlan
ug usa ka anak.
Laktoron ko ang estorya.
Usa ka adlaw niana naligsan
sa trak de carga ni Akaw si
Anecita. Didto sa haya si Gabino
ug iyang gikuha ang iyang anak.
Si Amelita na ang nag-alima.
Ug ang tulo ka anak ni
Anecita ug Osting, ambot ug
asa na gitayhop sa hangin.
Wala na ako masayod sa ilang
gidangatan. Seguro dako ang
kasilag nila sa ilang inahan ug
kalooy sa ilang amahan nga
gibudhian. Apan unsa bay ilang
mahimo batok sa tawo nga
mosilot ug kamatayon kon
dili dayon mauli ang lapokon
nga sapatos.
nagdayon ra gayod silang duha human sa
ilang pagkawat-kawat ug kalipay didto sa
kakugnan sa bungtod sa Bandera, sikbit
nga sitio sa among balangay sa Olingan.
Buros sa ilang anak nga si Boboy sa
dihang gikasal sila sa kapilya sa Galas.
Namatay na si Manang Tasya
dili sa katigulangon. Basin sa kaguol sa hinanaling
kamatayon sa iyang bugtong nga anak nga si Jose.
Pinaankan man lang god si Manang Tasya
ug wala gayod mailhi kon kinsay tinood nga
amahan ni Jose. Gihungihong nga ang akong
uyoan nga si Kikoy, nga dakong minyo, mao
kuno ang gapahipi nga sunoy sa maong
himongaan.
Akong laktoron ang estorya.
Usa ka gabii niana, nagkita si Gabino ug
si Anecita sa usa ka haya sa among silingan
nga namatay kay nahiloan kuno sa among
silingan usab nga gidungog bag-o lang nga
nahimong hiloanan.Gipakatay lang kuno
ang hilo sa aso sa sigarilyo.
Si Anecita minyo kang Osting nga usa
ka panday. Tulo ang ilang anak, puros
mga lalaki.
Akong laktoron ang estorya.
Nahimong kabit ni Gabino si Anecita
nga usa ka manikurista pinaagi lang
sa usa ka kihat, samtang nagkape
sila ug namainit sa pan de mongo.
Si Gabino nag-drive na sa habal-habal nga
pasayrohan nga giutang ni Amelita
sa Norkis didto sa Dipolog.
Pila na kagabii nga walay uli-uli
si Gabino sa ilang balay kay diay
didto na nagpundo ug dulog
kang Anecita sa balay nga
ilang gipletihan didto dapit sa
kabotongan, lugar sa mga kapong
sa Igot, lugar nga daling
mabahaan, tapad sa menteryo
municipal.
Usa ka buntag niana giapas
ni Amelita si Gabino ug maayong
pagkasakop niya nga si Gabino
nagpatong pa ni Anecita sud
sa mosquitero bisan gani
ug hayag na. Galami pa
silang duha ug salo sa ilang
kinawatkawat nga kalipay.
Laktoron ko na usab ang estorya.
Unsa ba'y gihimo ni Amelita aron
mopauli ug balik si Gabino sa ilang
balay?
Gikuhit kuno ang lubot ni Gabino
nga gapatong sa bilahan ni Anecita
samtang nadungog niini ang tinga
sa baka sa tunga sa iyang kaulag
ug si Amelita miingon:
"Gabino, ug mahuman ka diha
pauli na intawon sa atong balay
kay gimingaw na ang atong mga
anak nimo." Gibungat kini dili
pinaagi ug tyabaw sa kapungot.
Gihangyo lang ang iyang bana.
Nagpaubos ang asawa kay sayod
siya nga si Gabino mao ang
tawo nga mosilot ug kamatayon
kon dili mauli ang iyang sapatos.
Ug si Osting, kadtong panday
nga bana ni Anecita, namatay
baya sa sakit nga TB. Ug si
Anecita sa paglabay sa panahon
gibiyaan ni Gabino apan gibinlan
ug usa ka anak.
Laktoron ko ang estorya.
Usa ka adlaw niana naligsan
sa trak de carga ni Akaw si
Anecita. Didto sa haya si Gabino
ug iyang gikuha ang iyang anak.
Si Amelita na ang nag-alima.
Ug ang tulo ka anak ni
Anecita ug Osting, ambot ug
asa na gitayhop sa hangin.
Wala na ako masayod sa ilang
gidangatan. Seguro dako ang
kasilag nila sa ilang inahan ug
kalooy sa ilang amahan nga
gibudhian. Apan unsa bay ilang
mahimo batok sa tawo nga
mosilot ug kamatayon kon
dili dayon mauli ang lapokon
nga sapatos.
N.B.
dili APASUMPAY ang apilyedo ni Gabino,labaw na nga dili ANG kay si Gabino, dili anak ug Insik.
No comments:
Post a Comment