usa ka basket nga tipaka ang imong handomanan
sa gugma, mga gasinaw pa nga sigay ug mga tuway
mga kinhason nga gikuhaan sa mga unod alang adtong
mga nangahubog ug nangabusog sa imong mga kagahapon.
ug ang karon imong gisulayan ug gakos. Gipunayan mo ug
sihag ang ugma diha sa kilid sa basket.
Pagkawalay pulos nga himaya!
Pagkawalay silbi nga dedikasyon!
Pagkainutil nga mga paghandom!
Ang mga tipaka, mao ang mga lawas sa mga kalag nga
dugay rang ningpanaw sa pikas tampi, didto sila naglipay
Ug gusto untang makigtagay kanimo apan gikuhaan na sila
Sa gahom sa lawas. Hikapa ang mga tipaka. Init pa ba?
No comments:
Post a Comment