mY secreT ponD

Ambot ba ug nakahinumdum pa ba si Marcelino

Usahay makakatawa ako nga mag-inusara
Niining lawak sa akong kabatan-on
Nga ako usahay nga pagaabton,

Kay dinhi baya samtang bag-ong nagmata
Ang gwapita nga si Maya
Sa dihang nag-edad pa siya ug lima ka tuig

Dinhi sa katre nga nagbung-aw sa bintana
Mikalit ug kawat ug halok si Marcelino
Sa iyang nipis kaayo nga aping

Ang iyang edad upat pa ka tuig ug ang
Iyang purol mubo ug sihag usab
Ug didto bisan sa iyang pagkawalay-buot
Nasihag ko baya ang mga ugat sa tungaw
Nga mitapot sa iyang nahubag nga itlog.

Sakto gayod si Freud. Dili nato angay
Kumpyansahan ang mga tungaw sa kagahapon.