alang sa bag-ong balakero nga nadam-ag sa metaphor
bahog ilok ang mga abog
sa dihang kini gipaningot
nakulbaon usab ako
sa dihang mikitkit ang
ngipon sa kangitngit
sa liog
sa kaadlawon nga
nagselos sa
kabuntagon
dili lang diay ang mga
kampana ang adunay
mga dila
nga kabalo manakla
mas daghan ang dila
sa mga balod
nga nagsigi
ug tila sa mga
hamis nga paa
sa mga lapyahan
sa baybayon
No comments:
Post a Comment