kinsa ba ang ganahan ug sungayan? seguro ikaw lang
kay ang imong higala sa umahan mao man ang kabaw.
sayod ka sa kapiligro sa talinis sa sungay sa kabaw.
nahinumdum ka ni Osting nga nahaw-as ang tinae?
gisungag baya siya sa iyang toro nga kabaw sa dihang
nanguwag kini ug si Osting nanghakug ug babaye.
nganong iya bang gigaid ang kabaw sa dakong punoan
sa mangga? Dili ba lalaki man unta kini si Osting nga
gikabit si Soling ug si Manding? Ngano ba nga wala
niya makita ang panginahanglan sa toro nga kabaw?
sayang, kon nakasabot pa unta si Osting kon unsa ang
tinood nga katarungan ngano nga gibutangan ug sungay
sa Ginoo ang ulo sa kabaw, wala unta masayo ang iyang pagpanaw.
No comments:
Post a Comment