sa ubos mao ang pumpboat nga atong gipapahulay
kay ugma mopanaw na usab kita didto sa isla sa Aliguay
mitaob na ang dagat nangisog sa atong pagtinapol
mibanos ang unos ug atong gitago ang atong kahadlok
sa silong sa mga kawayan nga nagsangga sa kahayag
ugma sa adlaw og sa kabugnaw karon sa atong kagabhion
wala nato butangi ug nipa kay pagkahuman niining tanan
didto kita manglingkod sa daplin sa baybayon ug atong subayon
ang atong kapalaran sa plastada sa mga layong bitoon sama
sa plastada usab sa atong gugma, gikwadrado ang kahaw-ang.
No comments:
Post a Comment