ang mga bulak sa imong kinabuhi

nadungog ko ikaw nga dili ka ganahan nga ang mga bulak sa imong hardin

dili maayon tan-awon kon pareho ang tanan. Sumo kini.Hunahunao kuno

miingon ka kanako, "Mag-unsa na lang kon ang tanang bulak puros na lang

antulanga? O bisan pa ug nindot nga mga rosas, kong rosas lang tanan?

Pagkasumo" Pangitaon mo gayod ang bulak sa santan, o sampaguita, bisan

man gani ang bulak sa utot-utot, aron lang pagwala sa kasumo sa hardin.

Mipahiyom ako kanimo, samtang mihiwi ang imong kilay ug mibawog ang

imong baba, aron lamang paghatag ug kahulugan niaaning pulong nga sumo.

O ang kapuol sa kinabuhi, kon ang tanan pareho lang. Dal-on ko ikaw sa akong

kasing-kasing. Aduna usab kani hardin. Dili sumo. Wala didto ang kapuol.

Pagkadaghan sa mga maanindot nga bulak ang akong gipananom didto.

Nakalipay kini sila kaayo kanako. Lahi-lahi ang kahumot og bulok.

Kon imo akong pangutan-on ug kon gusto mo nga sultian ko ikaw sa tinood.

Usa ka lamang kanila. Dili lamang ikaw. Kay dili ko ganahan anang mag-inusara.