mY secreT ponD

Ug nganong nahimo akong balakero

Dili lalim ang kalipay nga

Ihatag kanako sa akong mga balak

Pagkahuman ko na kini sila

Mamugna ug Magalay

Sama sa mga putol putol

Nga kahoy nga akong gihimo

Nga gamayng lantay ug diin usab

Ako mipasilong sa dihang

Kalit nga mibuhagay ang ulan

Ang balak man gud balay sa mga galay

Ang balak man gud mora ug lantay

Dili matukib ang akong kalipay

Nga bation sa dihang nahuman

Ko na paghapnig ang mga

Pulong sa akong balak sama sa paghapnig

Ko sa mga gagmayng balod sa dagat

Morag mga habol morag mga ponda

sa akong katre nga haskang gahia

Morag mga rebentador morag

Kwitis sa akong pasko ug bag-ong tuig

Morag lami gayod bation ang akong

Pagpaboto sa akong mga

Gitago ug gihambin nga kahiubos

pinaagi sa akong mga linya

Kay ang ubang balak man gud

Kahiubos ug kabalaka

Kahigwa-os ug mga pagmahay usab

Mga latos sa akong pag-antos

Ug nganong nahimo akong balakero

Sa matag adlaw daghan ang mga rason

Ug explenasyon

Lalom pa sa butanganan ug ginamos

Ug asin sa dakong taro nga natay-an

Dili nako matugkad ang kalipay

Sa pagpaboto sa akong kaulag sa

Pagtan-aw nako sa akong mga balak

Sama sa usa ka naghubo nga babaye

Sa akong mga pangandoy

Mora kog iyang gipungkuan

samtang ako nagbilangkad atubang sa bulan

Ug ako siging nagpiyong nga nag-emote kay pirming nagawsan

Sa iyang pagkumotkumot sa akongmga nipples sa akong dughan

Sa Iyang pagbirabira sa akong mga mugbo nga buhok nga dili mahiplos

Sa paglubong niya sa iyang mga tudlo ug hait nga mga kuko sa

Akong likod, abaga, sampot, paa ug kiliran ug sa akong pag-agulo

Sa tumang kalipay

Mibutho ug Mibuto ang dakong kalipay sud sa akong alimpatakan

libot sa akong duha ka ayoyok

Sa tunga sa akong paa mibuhagay ang puting

Laway gikan sa akong kinailawman

Ania na usab ako karon nagawsan sa kaalam

Kolor sa lingin nga kalabasa nga kalibotan ang

Nahimong hayag sa bulan

Dili pa hapon dili pa gani udto

Mas pula pa sa rosas ang akong palibot karon

Miawit ang mga gangis ug mga tamsi

Mituktugaok ang sonoy sa among nataran

morag nasina kon nganong siging gapapook ang panumduman

niining balakero nga nag-inusara sa iyang kwarto sa mga bintana u pultahan nga sirado pa gihapon

sa alas nyube singkwentaydos sa kabuntagon.