ang itom nga kabayo
nagtagad sa ubos sa imong balay
dapit sa kilid sa imong hagdanan
ikaw ang iyang gipaabot
kay ang panahon ania na miabot
siya ang imong sakyan
paingon didto
sa padulngan sa tanan
dili ka na makabalik pa
dinhi
ug dili ka makabalibad
sa maong takna
kay ang kabayo nga itom
sulugoon lang usab
sa balaod nga dili jud nato
mapiko
bisan pa sa imong kadato
No comments:
Post a Comment