mY secreT ponD

Ang tabyog sa duyan sa imong nanay

Mahinumduman mo pa kaha kon giunsa
Pagtabyog sa imong Nanay ang imong duyan

Sa dihang puya pa ikaw nga iyang gikahimut-an?
Giunsa ba pagtabyog ni Nanay ang imong duyan

Ngano ba nga ang sulod sa imong punumduman
Mao lamang ang nahikatulog kanunay

Nga kalinaw? Giunsa ba niya pagtabyog ang
imong duyan nga ikaw nahimo man nga usa

Ka banggiitan nga talawan sa pakigbisog
Sa imong kinabuhi? Adtoa ang imong Nanay

Didto sa iyang lubnganan. Palihug lang
Pangutan-a siya. Kon dili siya motubag kanimo

Halari siya sa mga bulak. Dagkoti siya ug pulo
Ka mga kandila. Pangadye ug tulo ka amahan namo.

Kon wala pa gayoy tubag, pauli sa imong balay.
Panamin. Ug tug-ani ako nganong nahimo kang uto-uto.