Wednesday, October 22, 2008

PARA KANAKO


para kanako ang balak mora usab
ug usa ka lusok sa nangka.


tam-is. sinaw.
bus-ok. lamian.
hanoy nga mosulod
sa akong tilaok.
walay sabod.


ayaw lang hinumdumi
ang mga tagok
sa mga nangka nga giabis
ug gihimong utan
nga tinonoan,


ayaw lang hunahunaa
kadtong imong nalimtan
ug putos sa sako sa semento
kadtong nangalata kay nasamdan sa pagpaak sa mga piyangaw
ug mao nga ginuka ug gikabahong ug gisulong sa mga langaw ug nangahulog, nangapulak nga wala gani tagad mangahinog
tungod sa imong kadangag ug pagkawalaylabot.


No comments: