mY secreT ponD

Mas lamian ang isda nga imong nabingwit sa sapa

Mas lamian usab ang lasa sa sinugbang
Haw-an nga imong nabingwit

Didto sa sapa sa likod
Sa inyong gamay nga balay

Mas lami ug tam-is ang iyang unod.
Sa imong paghungit sa imong

Baba sa dihang migakos ang imong dila
Ang tagurok sa nylon nga pasol

Nga mikubit sa isda
Mabati mo pa sud sa imong tilaok


Kay kining isdaa imong hinagoan
Imong ginadamgo

Hapit upat ka oras ka nga nagpaabot
Nga dunay mokaon sa wati nga imong paon.

Nagpaabot ka sa tumang kahilom
Mga lamok ang nagsigig sora kanimo.