mao kana ang kasakit ni Achilles
ang anak nga sa puya pa wala gani mapaaki
sa lamok, wala gani matugpahi sa langaw
karon mora lang ug ihalas nga baboy
nga gipatay sa kagulangan
gisapnay niya ang patay nga lawas
misyagit siya. Andam na ang pagpanimalos
ni Achilles. Magpakahilom ang iyang kiting.
Subo ang kalibotan. Dagko ug balod ang dagat.
Wala nagpakita ang Adlaw. Ug ang bulan
nagkurog sa kahadlok. Nanago ang mga bitoon
sa itom nga mga panganod. Lanog ang tingog
sa pagpanimalos. Apan ang sagbot nagpunay
ug dagan. Andam na sila sa sunod nga yugto
sa ilang kinabuhi. Tabonan lang gihapon
ang maong sangpotanan sa kataposan.
Ang pagpanimalos walay kadaogan.
No comments:
Post a Comment