mY secreT ponD

Ang simbolismo nimo sa mga balak ni Pablo Neruda

Ang imong duha ka lapalapa
Nagtalikod kang Neruda
Nahimo silang mga tabil sa init
Nga adlaw nga misulay ug halok
Sa imong balhiboon nga pusod

Gipatong mo ang Five Decades
Of Poetry ni Neruda
Didto sa parte sa imong lawas
Nga gitabunan sa puti nga panapton
Tapad sa Nature’s Spring mineral water
Ug sa imong dark shades

Nahikatulog ka sud sa imong mga damgo
Samtang ang imong mga lapalapa
Nahimong mga pako sa mga salapati
Nga dili kamaong molupad
Ngadto sa hanap kaayo nga mga panganod.