labyog ang maong tulay
gikinahanglan nga ang pagtabok tag-sa tag-sa
dili maarang kong magtinagurha
dili gani mahimo nga magdungan mo sa imong
higala o hinigugma
dili sa ingon nga kini ginadili sa walay igo nga
hinungdan
aduna, naa ang katarungan
kay kon kamo magdungan
mabug-atan gayod ang tulay ug basin na hinoon
kini ug maputol ug ikaw mahulog
didto sa bung-aw
ug ikaw mamatay
adunay tugon, tan-aw pirmi sa imong padulngan
ayaw ug lingi sa wala ayaw ug lingi sa tuo
labi na nga ayaw ug lingi sa likod, mas labi pa nga
ginadili ang pagtan-aw sa ubos kay ikaw unya basin
ug masuyop ug unya ikaw malilong
mahulog ug ikaw
mamatay
nalabyan ko na kining tulay nga labyog
susama kini sa paglatay sa atong tagsa-tagsa nga tulay sa atong kinabuhi.
No comments:
Post a Comment