daghan ang gisulat nga balak
bahin kanimo
nindot ka man god
kon molupad kalma lang
morag walay
problema
ang imong kolor
nga yellow, pula, og itom
sakto kaayo nga kombinasyon
morag mga bintana
sa among simbahan
gidan-agan sa
kahayag sa adlaw
alibangbang
alibangbang
nganong ania ka man
kanamo?
aron lang ba
ikaw mahimong
kolor sa among mga balak?
kalmado ka.
walay tingog.
apan sayod ko
daghan ka unta ug isulti
bisan sa kamubo
sa atong duha
ka panahon.
No comments:
Post a Comment