mY secreT ponD

Ang kamingaw ko kanimo


Dunay hunghong sa kamingaw nga nasalaag
Dapit sa among balangay
Dunay gipangita nga iyang kaila

Naglakaw-lakaw ang maong hunghong
Nanuktok sa kada balay sa daplin sa kalsada
Nangutana kon nakaila ba kuno sila sa
Iyang gipangita

Iyang gisulti ang akong ngalan sa usa namo
Ka silingan nga nakaila kanako
Ug tuod man
Natultulan niya ang ako

Iya akong gitutukan ug dugay
Ug migakos siya kanako, miiyak ug gihagkan
Niya pag-ayo ang akong dughan ug ang akong dunggan

Akong gisuot ang akong jacket. Gisirado ang zipper.
Namugnaw na usab ako. Gihunahuna ko lang gihapon
Ikaw ug ang kaniadto.

Ang hunghong nagpabilin sa
Akong dunggan ug wala na siya motingog.