Tan-awa si Narcissus, mipahulay nga malinawon
sa iyang salog. Pagkabuotan ba niya. Ang iyang
mga mata malinawon morag sapa nga walay isda.
Walay kisaw. Ang iyang pagkatawo morag karnero
nga walay kasamok. Loyloy ang iyang mga mata.
Morag dagat sa kabuntagon nga walay balod.
Pagkaamo niya. Lomo ang iyang pamayhon.
Apan kwidaw ka, tan-awa ang larawan sa iyang
salamin. Tan-awa ang sapa nga tin-aw diin atua usab siya.
Naglantaw sa iyang gitago nga kaugalingon.
Nagpahiyom. Nagkatawa. Mikidhat. Dili siya usa ka anghel
sa langit. Dili ako moingon nga siya demonyo. Dili
ko siya husgahan. Lantawa siya pag-ayo. Nagpautog
diha kanimo. Lantawa pag-ayo. Oi! dili ba siya ang
Tinood mong gihigugma? Ayaw god ug pamakak.
Tutoki siya pag-ayo. Dawata ang imong tiunay nga gibati.
Handoma ang gabii sa inyo unyang panagkita. Kagilok ba!
No comments:
Post a Comment