YAMAYAMA SA MAYAMAYA

Ang mga laay nga oras nagkiyod
Kiyod sa akong paa.Gustog

Remedyo sa udto, misampak,
Dili mobiya sa akong mga

Gilitok nga mga pulong.
Ang udtong tutok klaro na

Kaayo, nagkalayo sa kainit.
Migawas ang dila sa baba,

Ang toong kamot ug ang
Papel ug ballpen nagpailaila

Sa ilang mga ngalan. Ang
Tumang kahayag mibisto sa

Nagtago nga anino sa akong likod.
Maguba ang labat nga puthaw sa

Akong dughan. Mokiaykiay ang
Akong pagbati sa usa ka sayaw.

Mahirig ang pagtoo.Tan-awon ko
Ang akong balod nga pilok sa akong

Mga mata,didto sa gawas
sa akong kalimutaw.Tutukan

ko kini sa makadyot.Ang mga
oras mangaboak.Akong isabwag

Ang mga dugmok.Ug ako maghinay
hinay ug pahawa paingon sa kahilom.

Samtang sa pagpunay ug balikbalik
Anang imong pag-abot ug paghawa

Sa kadugayan ako malanag
sa kalilong.Magsuka sa nostalgia.

Tuyoktuyok lang ang tanan
Morag kote. Bira bira
Labay labay morag yoyo.

P.S.

(Makalimtan ko ra ikaw ugma puhon.
Mor pa. Mamatay pa ka!)