dili sayon ang pagpananom ug mga lusok sa mais sa darohan ni tatay
kahibalo ana si nanay, kay silang duha kuyog kanunay
sa kasakit ug sa kalipay, sa kahimsog ug sa ka lupay, sa kadato ug kapobrehon,
hangtod nga gibulag sila sa kamatayon
dungan ang ilang pagpananom sa mga lusok sa mais sa ilang kabuntagon
nakita kini nilang mitubo, nanagko, mitugsoy nunot sa init sa adlaw ug sa
kaabono sa yuta nga ilang nanay ug tatay. Apan bisan pa niini dili tanan nga
ilang gitanom namunga. Adunay mga daot. Adunay mga natuok sa panahon.
kadtong namunga ug daghan, wala na naabtan ni nanay ug tatay,
kay namatay sila sa dihang miabot ang hulaw ug ang kasagaran nga ila
untang gilantaw nga mga mais nga masaaron, kalit lang nga nangalaya ug
nangamatay man. kadtong namunga ug daghan wala na nila maabti.
ako kadto. mao kana ang tinood.
No comments:
Post a Comment