tan-awon lang ang umaabot

Ang kagahapon nakita niya

Sa gamayng bata.Malipayon

Nga nanghingogmo sa sanga

Sa punuon sa balimbing.

Samtang ang iyang nanay

Namilo sa iyang mga habol

Ug nanawag sa mga ngalan

Nga mangaligo ug sayo sa atabay.

Gahi ug ulo ang iyang kagahapon.

Ug nahulog siya kuyog sa nabali

Nga sanga sa gabok nga balimbing.

Nasamad. Nakuyapan. Nawala.

Sa iyang pagmata kapoy kaayo sya.

Wala na ang iyang nanay. Ug ang

Ulat sa iyang paa, namubo. Ang

Iyang karon mitutok sa kalsada

Paingon sa iyang padulngan

Gikapoy na siya. Nagpungko sa

Daplin sa karsada. Naglantaw sa

Nanglabay. Nagpakahilom.

Nanghingogmo.Walay kabalaka.

Walay kahadlok. Kon kinsa kadtong

Moabot.Dili na siya mangutana

Kon kinsa ug unsay iyang tuyo.

Ug kon kinsay mopahawa

Wala na siyay labot.Walay bili.

Dili na siya magpakabana.

Alang kaniya ang pagkaparat

Ang iyang kogmo igo na.

.