kon unsa ang panganod sa adlaw?

Balewala sa adlaw ang panganod

Busa ang panganod nakighinabi

Sa hangin. Gitayhop kini padulong

Sa bukid. Giabog kini paingon sa

Dagat ug mga suba. Sa kagool

Sa panganod, nakigdula kini sa

Bukid, sa suba ug dagat. Wala

Damha, nagsamkon kini ug

Nanganak ug ulan. Nagpista ang

Bukid sa pagbukhad sa mga bulak,

Sa pagpamunga sa mga kahoy

Ug ang dagat ug suba nagpadaghanay

Sa ilang mga isda.Nagmahay ang

Panganod sa iyang gidangatan.

Nag-inusara sa gabii ug nakighinabi

Sa takdol nga bulan. Nalingla ang

Panganod sa iyang kahayag, kay

Anggid-anggid sa adlaw nga iyang

Gimahal. Naburos kini ug nanganak

Ug daghang mga bitoon.Pagkaugma

Nagpalutawlutaw ang panganod sa

Atubangan sa gihigugmang Adlaw.

Wala na sa kaugalingon. Walay

Kalibutan kon asa siya paingon.

Gianod-anod sa pagtamay sa hangin.

Balewala lang gyod siya sa iyang

Gihigugma nga adlaw.Pagkalooy!

Pagkasakit sa nahitabo sa usa ka

Panganod. Nahisama siya kanako.