sa bag-o pa kitang minyo
akong gipauyonan ang imong mga gusto
usa na niini ang pag-akatar sa imong hanging plant
kapoy baya ug bubo anang habog pa kanako
kapoy ug hangad kapoy ug katkat aron ang imong hanging plant
habukan
sa kadugayan sa dihang ikaw naglangi na pag-ayo akong giundangan
ang imong hanging plant
gipasagdan ko kining walay bobo bobo
wala na ang pagkatkat ug pagkab-ot. Wala na ang akong gana sa paghabok
sa kadugayan sa dihang galangi kana pag-ayo namatay ra gayod ang maong
hanging plant
kapoy ug punay ug hangad anang hanging plant
bisan gani anang mga bitoon sa langit ug sa tibook nga bulan
moabot ang panahon nga kapoy na gayod ang paghangad
kay ako anak man sa yuta ug dili ko paryente ang mga habog ang mga hambog.
No comments:
Post a Comment