Sa katre sa pakigharong sa kamatooran

Ang mahitabo sa katre dili bakak.

Tinood. Hubo kamo sa kaugalingon.

Hubo kamo nga makigharong sa

Inyong mga lawas ug hunahuna.

Maghukas. Maghawiran. Maglingkis.

Magtapot. Magpiyong. Panington.

Ug pagkahuman sa lalom nga pakig-

Kita ug pakighimamat sa inyong mga

Kalag, magpahulay. Dayon magbulag.

Gusto ninyong maghiusa sa hangtod.

Apan aduna siyay lawas. Lahi. Langkat.

Gusto sa inyong mga hunahuna nga

Ipadayon ang tanan. Apan lahi dinhi

Sa kalibotan. Malangkat ang usa ka

Bongbong. Madugta ang mga haligi.

Molupad ang mga atop. Hangtod nga

Walay mabilin. Mao kana kitang duha.