Kon ako inyong pabasahon sa akong mga balak
Sa inyong atubangan
Ako usang hangyoon nga palungon
Ang tanan nga mga suga
Aron unta ninyo maaninaw pag-ayo
Ang akong dyutay nga kahayag
Ug basin ako mabuta ug masunog.
Idugang pod nako’g hangyo
Ang dyotay nga kahilom.
Hadlok ko nga ang akong mga pulong
Dili ninyo madungog sa taliwa
Sa kahigwaos ug sa kasaba sa atong panahon.
Maglatay ako sa alambre sa akong mga pulong
Sa tumang kangitngit ug kahilom.
Inyo unta akong dunggon
Inyo unta akong paminawon.
1 comment:
Tinuod naay uban nga nagbasa o naghunahunang makapaminaw, kay gusto makasabut, sa kun unsa gusto ipaabut.
Nia, dunggon namu, paminawon namu.
Unsang gusto ipasabut.
I think this is a "so effective balak as a heartful plead/crave or that expressing obsession or passion to be heard & be deeply understood as perhaps implied by the desired darkness & silence while not only hearing but listening .."
Post a Comment