ANG TUBIG, ANG LANGIT, UG ANG YUTA

kon kita nga mga tawo
nagpabilin sa atong
pagkalampingasan

sa paghugaw sa tubig
sa pagsamad sa langit
ug paghimong baog sa
yuta ug dagat

kon wala na kita
madsadya gayod sila

apan dili kana mahitabo
kay og wala na kitang
mga tawo nga lampingasan
wala na usab kana silay hinungdan

kay ang tubig gibuhat aron sila mainom
ang langit aron sila matan-aw
ang yuta aron kini mapuy-an
ug ang dagat aron kini malangoyan

natong mga tawo
kita ang hinungdan sa ilang
pagmugna, kita lamang

sayod ka, panahon na
ang pag-undang sa atong
pag-abusar kanila, dili kita
ang mga tawong lampingasan

sila lamang, sayod ka, sila lamang.
ilailahon ta ang tubig, ang yuta ug ang langit.
panahon na nga makita nila ang atong
matood nga pamatasan,

dili kita lampingasan
nagkulang lang kita sa pag-ilaila kanila.