kunwari lang

bisan kunwari lang
ako kunuhay si piolo og ikaw usab si agnes

nangadto ta sa baybayon
unya nanglingkod ta sa daplin

kunwari mipauraray ka sa akong
mga bukton og unya

ako usab migakos kanimo
og milantaw dayon ko sa unahan

layo kaayo ang akong naabtan
unya ikaw mipahiyom

kunwari lang
nagminahalay kuno tang duha

unya basa na kaayo
ang imong buhok

og unya migahi na
ang akong mga braso

kunwari lang god
batia kuno palihog

morag lami baya
morag mipitik pod baya ang akong kasingkasing

diha nimo
og ikaw sab mipitik pod ang imong kasingkasing

diri nako
unsa pod kaha no og ato na lang kahang tinod-on?