kalipay kuno sa pagkamatay sa usa ka gugma
lahi sab ang imong pangaliyanga unta mamatay na ang gugma
nga miturok diha sa imoha,
nagpakahilom ang imong karon
dili gayod gusto nga tandogon
nianang gugmang gusto nimong
gub-on og buntogon
gugmang mibalikog ang sanga
natabonan sa mga panganod
nga karon nangita sa kahayag
sa adlaw og pati na sa bulan
gusto nimong putlon ang mga sanga
apan ang mga gamot miiyak og nangaliya
nga unta pasagdan lang sila
nga mamulak og unya mamunga
midugo ang imong kasingkasing
mibakho ang imong dughan mibagting
mihilak ang imong mga mata nga morag bata
og ang imong mga tiil nagpunay og panipa
No comments:
Post a Comment