kon mihunong ka lang unta kadyot
aron paglantaw sa usa ka harag na nga kamalig
sa daplin sa basakan diin ang mga humay bag-ong giani
makita mo unta ang iyang atong nga nipa nga nangapangag
ang iyang bongbong nga nangalangkat
ang mga salog nga nalusno na
nahulog mihalok sa yuta
kon mihunong ka lang unta kadyot
madungog mo unta ang pagbaha sa mga pagbati
didto sa suba sa iyang kahilom
daghan kaayo siya og ihatod nga mga sugilanon diha kanimo
apan wala ka mihunong
dili ka ganahan nga mamati sa mga sulog sa mga pagbati
sakit pa ba gayod kaayo? wala pa ba gayod maalim ang mga samad diha sa imong dughan?
pasayloa apan abi ba gayod nako og naalim na ang tanan
abi baya gayod nako og ang kahilom mao na kana ang kalinaw.
No comments:
Post a Comment