ang akong kaugalingon
nahisama sa usa ka balahibo
nga gipalid sa hangin
paingon sa mga
panganod
paingon sa taas kaayo
nga pangpang
og didto nalantaw ko ang
tanan
og ako natagbaw
sa kaanindot sa akong
nakita
og natilawan sa akong
seda nga hunahuna
mihangyo ako sa hangin
nga unta ako paliron na paingon
sa ubos
aron akong matumban ang mga
sagbot og mabati
sa akong lapalapa ang
mga talinis nga mga bato og
ang uga na kaayo nga yuta
gusto ko nga mobalik didtong
lugara diin ako gikan
gustong hikapon sa akong mga
kamot
ang mga balas sa akong kagahapon
akong tagsatagsaon pagkalos
ang mga angay nga
basolan
samtang dili pa ulahi ang tanan
No comments:
Post a Comment