sa kadugayan nasayran ko ra

sa kadugayan nasayran ko na gayod
dili diay tanan puti ang naa didto
dili pod tanan itom,
mabulukon, nindot,

og ang pagbati sa kalipay ikaw lang ang magbuot,
kay lagi gawasnon kita didto
og busa ako nakapangutana
kay nahasulod ako sa dakong lilo sa kalibog
kabahin kanimo
kon ngano nga ikaw anaa lang diha
nagluko sa imong daan nga banig
tapad sa gabok kaayo nga bongbong

ayaw pagpalabi diha sa imong kaguol
sayang ang panahon
adto kita didto sa akong naabtan
og sa akong gipuy-an
kon magpaabot kita nga ilang lipayon

kanus-a pa ba?

didto pagkamalipayon sa mga panganod
nga nakighalok sa tumoy sa dagkong mga bungtod
wala nagsubo ang mga suba nga mibuhagay
didto sa dapit diin ang tanang klase sa tubig
nagtagbo og naghimo og mga busay


didto lang kita sa ubos mamahimong mosalom
og maligo
mamahimo usab nga igo ka lang magtan-aw
diha sa katugnaw
og mamhimo nga gakson mo lang gani
ang imong kaugalingon

gawasnon kita didto bisan gani
ang mga dahon nga nangahulog sa suba
og nangaanod
nangatawa man
nanag-awit pa gani sa tumang kalipay