sa akong kamingaw
usa ka kagabii kaniadto
gihagkan ko ang akong
kaugalingong ngabil
gigakos ko ang akong
kaugalingong bukton
kanang tam-is kaayong
halok kanang hugot
kaayo nga paggakos
kanang akong mabati
nga ako og ikaw nahimong
usa na lamang
kanang ako nawala na
diha kanimo
nangutana ka kanako
ngano ba?
sayod ka
tungod kay gihigugma ko ikaw
labaw pa sa akong kaugalingon
sa katam-is sa akong halok
nahilis ang akong ngabil
sa kaguot sa akong gakos
nangatagpod ang akong mga bukog
og ang akong hunahuna
nahimong usa ka tamsi
milupad, mibatog sa usa ka sanga
misayaw, mikanta, og
dayon sa kalit lamang
kini nawala.
No comments:
Post a Comment