mY secreT ponD

sa dugay'ng puyo-puyo
og lantaw-lantaw sa mga
nanglabay
og sa mga namiya na nga
mipaingon sa unahan
og sa pagpangumusta
sa mga nangabot
og mga taliabot
naglibog ka kon unsa
ang angay nga
buhaton

naghandom ka sa usa
ka ugma
og nausikan ka sa usa
ka kagahapon
og ang imong karon
nangalot sa dili katol
diha sa imong
agtang

ang mga lusa sa imong
mga plano
wala tagad mapusa aron
mahimong mga kuto
diha sa imong alimpulo
nairok kini sa imong
mga kalangay
sa mga kuko
sa pagkapuol

limpyo ang lapad
nga kawanangan nga
imong pagapilian
ang imong mga kalibog
nahisama
sa kahaw-ang sa imong
dughan
napuno na sa kasilag

ang kasuko
miawas og nahimong
mga kwaknit nga
nangapyot diha
sa imong mga buhok
ang mga dahon sa
imong mga tudlo
nangahulog sa imong
tiilan
nagpayatak sa mga
lapa-lapa nga wala
na motoo sa gahom
sa imong mga bukton