ang imong mga lusok sa luha sa kalipay

maayo unta og makakita ko og dakong kabo diha sa balay
aron akong saloron ang mga lusok sa luha sa imong kalipay

parat pa ba kaha ang lami niini?
o mas tam-is pa kay sa senyorita nga dulse?

gusto kong mohigop anang mga luha sa kalipay nga hilabihan
diha sa dakong kabo nga akong isalod sa kilid sa imong dughan

gusto nakong madungog ang mga awit sa kalipay
diha sa mga busay nga sa imong dughan midagayday