Monday, March 16, 2009

wala nako damha


wala gayod nako damha nga ang akong
gitipig diri sa akong palad
usa lang diay ka hangin

gisilip ko ang usa ka gamay nga balatian
gipakisama ko nga usa ka bahandi
usa ka diamante usa ka bulawan

naunsa ba nga sa akong pag-ukab
aron na unta akong buhian
lahi man diay ang tanan

usa lang ka hunahuna sa akong mga tudlo
usa lang ka damgo sa akong mga kuko
nga nangawras sa nawong nga hangin

pila na ka tuig ang milabay
pagkasayang sa panahon
usa ka lang diay ka gumonhap
mikuyanap ikaw sama sa ap-ap



No comments: