pagkatagbaw

ang mga dahon nga nangahulog
wala na maghisgot kon unsa og
asa ang pagbalik

sayon sabton ang ilang mga panghitabo
apan usahay
akong gisulayan og lantaw ang
kalay-on sa bulan
sa iyang pagtakdol og
akong gihunahuna kon aduna
ba kahay kataposan ang
kalibotan

dugay na nga panahon sila dinhi
ang adlaw ang bulan
og mga bitoon

og ako nga bag-o pa lang dinhi
og sa kasayoran nga kadyot lang ako dinhi
bisan sa unsa pang
mga tinuhoan
kabahin nianang mga pagbalik sa mga milalin
nianang mga pagtunga sa mga
nangawala

wala na maghandom kon unsa pa
ang mamahimong dangatan

karon lang, ania ako, og kon unsa man
wala na ako'y labot og dili na gayod ako mangilabot pa

kay alang kanako, sakto ra kini, natagbaw na ako
wala na ako'y pangayoon pa
og sa tinood lang, dili na ako ganahan nga mangutana pa
kabahin niya.