og nahikatawa kami kabahin sa among inahan
nga kaniadto kuno si Manang Minda nagpuyo diha kanila
nanilhig dapit sa banyo og didto pod gani
siya nanglaba pa
sa inundok nga bulingon nga mga tulo ka bukag
nga buongon ang
kadaghanon
og si mama kuno samtang naglingkod sa ilalom
sa punoan sa nangka nga
nagburos kaniadto kanako
misyagit nga nanawag kang Manang Minda
nga daghan kaayog buluhaton nga
halayo kaniya
"Minda! Minda! Marika! Pagdali!"
og busa nagdali-dali intawon og dagan ang babaye
paingon ngadto kaniya nga abi
og naunsa na siya
"Minda! bugawa kanang manok !"
nagsugo ang walay lingaw nga ipabugaw ang manok
nga nanuktok sa humay diha
sa iyang atubangan
sa nataran.
Bag-o lang baya usab nga namatay si Manang Minda
didto sa Manila
kanser sa baga.
No comments:
Post a Comment