bisan unsaon og paningkamot
mao ra gayoy akong giabot
pasayloa, apan mao ra gayod
kini ang akong matunol diha
kanimo: ang akong kagalot
ang akong kanunay nga pagpangambot,
bisag unsaon ko pa og
sudlay ang akong buhok nga gubot
mao ra gayod gihapon ang giabot
sa akong pinahapay
pinahapla, dili na sinaw
nahagdaw nga panglantaw
gugmang nahilis
badlis nga ekis.
No comments:
Post a Comment