Pagdagan sa mga adlaw

Sa taliabot sa Abril
Nakatunga na ang
Mga adlaw nga
Midagan sa Marso
Wala na nako
Maalinggati ang
Hinay hinay nga
Pagsilaob og Pagkapalong sa
Kainit dinhing
Dapita
Daghan ko’g
Nakalimtan
Daghan pa unta
Ko’g tan-awon
Og buhaton
Apan kadali lang
Gayod sa panahon
Miingon ang bukid
Nga mahimo pa akong
Moapas
Kon unsa ang angay
Sak-on
Mamahimo pang
Akong katkaton
Apan kon dili
Pa gayod kini
Nako mabuhat
Miingon ang bukid
Ayaw kabalaka
Sulayan na lang
Usab nako
Ang daplin sa
Dagat
Naa pa gihapon
Ang pagsalom
Og dili pa gayod
Gihapon nako
Kini mahimo
Miingon na usab
Ang bukid
Nga wala nako
Makatkat
Sulayan na lang
Pod og
Paglakaw ang mga
Patag
Apan og dili lang gayod
Gihapon mahimo
Kay lagi kulang na
Man gayod ang
Panahon
Miingon sa kataposan
Ang bukid
Pasagdi na lang
Naay ubang mga butang
Nga ato na lang gayod
Nga palabyon
Kay kini sila
Para lang niana
Para lang sa
Pagpahawa paglabay
Og pagkawagtang.