sa usa ka gugma nga kanunay nga pakyas

Wala ako’y samad
Nga Makita nimo sa akong
Dughan

Nindot pa gihapon
Ang akong pahiyom
Puti kaayo ang
Akong gisul-ob
Walay makita nga
Mantsa

Ang akong mga
Natagboan dinhing dalana
Moingon nga ako
Hayahay
Nagmalipayon

Naay kasakit nga
Dili Makita sa inyong mga mata
Tungod kay ang mibati
Niini mao lamang ang
Akong kasingkasing

Wala’y dugo
Naa'y ngutngot
Wala’y bun-og
Naa'y sakit

Wala’y hubag
Apan naa'y gahapdos
Wala’y nana
Apan naa'y nanginit nga
Wala’y gawsanan

Naa'y nagbahad nga
Moboto na

Naa'y nangamuyo sa langit
Naa'y sa kamatayon nanghagit