igo na nga nahatag ko ang mga ginagmay nga paglaom
diha kaninyo
sama sa pila lang ka kilo nga tahop nga isagol diha sa lawog sa baboy
dili ko na maganap paghatag ang tanan
sud lang sa usa ka hamobo nga panahon
nga morag tanod lang
nga itapak diha sa karsones nga daan
ginamit ang usa ka dagom nga
tay-an
igo na ang gamay nga pahiyom
taas pa ang inyong panaw
halayo pa ang inyong pagaadtoon
habog pa kaayo ang mga panganod og ang adlaw wala pa kaayo mosilang
igo na kana kaninyo
kay ako gikapoy na og ang akong mga mata nangita na gayod
sa humok kaayo nga alugnan nga sarang iyang kapahulayan
palongon ko na una ang kahayag nga wala na maghandom pa kanako
No comments:
Post a Comment