Monday, March 16, 2009

kon nasabtan mo lang unta ang tanan


ayaw kasina sa mga mahalon nga bahandi
kay sa atong kayano
anaa pa gihapon ang atong kaputli

mas nindot baya ang mga perlas
nga akong
gisul-ob sa imong liog

gihimo ko kadto
sa tunga sa kagabhion

gisalom ko kadto sa lawod
sa imong kadagat
an
sa ngiob nga mga langob
sa salog sa mga gibating kahinam

naglamog ang asgad
sa imong kadagatan
og sa
asgad sa akong
mga balugbog nga singot

mipiyong ka sa tumang kalipay
og
mihay-ad ka atubangan
sa akong init nga adlaw

miulan ang kalangitan og mga kalipay
misalop ang adlaw mitumaw ang bulan

og atong gisaloan ang kahayag sa mga bitoon
miaawit ang mga tamsi sa ibabaw
sa atong
nagkagubot nga mga buhok
sa atong mga bukog
nga morag mga kampana
nagpahibalo sa usa
ka panag-hiusa
sa kasingkasing og sa mga kamot

sa mga paa, sa mga hawak, sa mga ngabil
og mga sa mga dila

No comments: